Mayın 5-də BMT Təhlükəsizlik Şurasının iclası keçiriləcək.
Modern.az xəbər verir ki, bu barədə Təhlükəsizlik Şurasının iş proqramında qeyd olunub.
İclasda Ukraynadakı vəziyyət müzakirə olunacaq.
Bundan əvvəl BMT Baş katibi Antonio Quterreş Rusiya və Ukraynaya səfər edib. İclasda səfərin də müzakirə olunacağı gözlənilir.
Quterreş Moskvada Rusiya Prezidenti Vladimir Putin və xarici işlər naziri Sergey Lavrovla görüşüb. Baş katib ardınca Kiyevə səfər edərək burada Ukrayna lideri Volodimir Zelenski ilə danışıqlar aparıb və hərbi cinayətlərin törədildiyi Buça şəhərində olub.
