"Ramzan Axmatoviç Kadırovla çox yaxşı münasibətlərimiz var və ünsiyyətimiz zamanı bəzən bir-birimizi tənqid edirik, ancaq dostcasına".
Modern.az xəbər verir ki, bunu Rusiya Prezidentinin sözçüsü Dmitri Peskov Çeçenistan rəhbəri Ramzan Kadırovun onu tənqid etməsinə münasibət bildirərkən deyib.
O, Kadırovun tənqidlərini normal qarşıladığını söyləyib.
Xatırladaq ki, bundan əvvəl Çeçenistanın rəhbəri Ramzan Kadırov Rusiyanı tərk edən teleaparıcı İvan Urqantı “böyük vətənpərvər” adlandıran Rusiya Federasiyası prezidentinin mətbuat katibi Dmitri Peskovu tənqid edib.
