Türkiyə xarici işlər naziri Mövlud Çavuşoğlu mayın 24-də Fələstinə, mayın 25-də isə İsrailə səfər edəcək.
Modern.az-ın Türkiyə mətbuatına istinadən verdiyi xəbərə görə, XİN rəhbərinin qeyd edilən səfərlərinin proqramı açıqlanıb.
Çavuşoğlu Türkiyə və Fələstin xarici işlər nazirlərinin Müştərək Komitənin ikinci iclasına sədrlik etmək üçün mayın 24-də Fələstinə səfər edəcək.
Səfər çərçivəsində nazirin Fələstinin XİN rəhbəri Riyad Malki və Fələstin Muxtariyyətinin Prezidenti Mahmud Abbasla görüşləri nəzərdə tutulub.
Bundan əlavə, Çavuşoğlu mayın 25-də İsrailə də səfər edəcək. Səfər çərçivəsində israilli həmkarı Yair Lapid ilə ikitərəfli və nümayəndə heyətləri arası görüşlərdə regional və beynəlxalq məsələlər, eləcə Türkiyə - İsrail münasibətləri barədə fikir mübadiləsinin aparılacağı nəzərdə tutulur.
