Dünyanın ən hündür binası olan Bürc Xəlifədən iki dəfə böyük asteroid Yer kürəsinə doğru irəliləyir.
Modern.az xəbər verir ki, bu barədə məlumatı NASA yayıb.
7335 (1989 JA) adlı, diametri 1,8 km olan asteroid NASA tərəfindən "potensial təhlükəli" kimi təsnif edilib. Buna baxmayaraq, onun Yer üçün təhlükə yaratması ehtimalı azdır, çünki təxminən 4 milyon kilometr məsafədən keçəcək. Bu məsafə Yerlə Ay arasındakı orta məsafədən təxminən 10 dəfə çoxdur.
Məlumata görə, asteroid cümə günü saat 17:26-da Yerə yaxınlaşacaq. Bu anda asteroid Yerdən 0,026 astronomik vahid məsafədə olacaq və təxminən 50.000 km/saat sürətlə hərəkət edəcək.
