“1992-ci ildə Qarabağın işğalı ilə əlaqədar Ermənistanla sərhədləri bağladıq. Azərbaycan-Türkiyə bir araya gəldi, Qarabağ azadlığa qovuşdu. Azərbaycan və Türkiyənin birliyi ilə problem həll olundu".
Modern.az xəbər verir ki, bunu Türkiyə Prezidentinin sözçüsü İbrahim Kalın bildirib.
Onun sözlərinə görə, artıq şərtlər dəyişib: "Bundan sonra Ermənistanla münasibətləri normallaşdırma prosesinə başladıq".
Kalın hazırda Ermənistanla sürətli normallaşma prosesinin yaşandığına diqqət çəkərək, mövcud problemlərin həllinə çalışdıqlarını söyləyib.
