Niderlandın Baş naziri Mark Rutte iyulun 11-də Ukraynaya səfər edib.
Modern.az xəbər verir ki, bu barədə Niderlandın NOS agentliyi məlumat yayıb .
O, Kiyev və İrpinə səfər edib.
“Əlbəttə, biz hamımız fotoşəkilləri görmüşük, amma burada öz gözlərimizlə görürük.”,- deyə Rutte İrpinə səfəri zamanı deyib. Baş nazirin Ukrayna Prezidenti Volodimir Zelenski ilə görüşü gözlənilir.
Niderland Almaniya ilə birlikdə Ukraynaya hərbi yardım göndərib. İyunun 29-da iki ölkə Ukraynaya əlavə altı PzH 2000 (Panzerhaubitzen) haubitsaları tədarük etmək planlarını açıqlayıblar. May ayında Almaniya artıq Ukrayna əsgərlərinə bu haubitsaları idarə etmək üçün təlim keçirməyə başlayıb.
Akif İsmayılov
