Macarıstan Parlamentində yüz minlərlə kiçik firma üçün vergi dərəcəsini artırmağı hədəfləyən təklifin müzakirə edilməsi insanların qəzəbinə səbəb olub.
Modern.az xəbər verir ki, təxminən 1000 nümayişçi paytaxt Budapeştin mərkəzində Dunay çayı üzərində yerləşən körpünü bağlayıb.
Etirazçılar əvvəlcə parlament qarşısındakı əsas meydanda toplaşıb. Onlar Budapeştin hər iki istiqamətində hərəkəti dayandırıblar. Hazırda körpüdə nəqliyyatın hərəkəti iflic olub.
Hadisə yerinə çox sayda hüquq-mühafizə əməkdaşı cəlb edilib.
