Rusiya məhkəməsi amerikalı basketbolçu Britni Qrineri 9 il həbs cəzasına məhkum edib.
Modern.az xəbər verir ki, qərar Moskva məhkəməsi tərəfindən verilib.
İdmançı narkotik qaçaqmalçılığı və saxlamasında ittiham olunur. Məhkəmə, həmçinin ona 1 milyon rubl məbləğində cərimə kəsib.
Basketbol ulduzu 2022-ci il fevralın 17-də Nyu-Yorkdan Moskvaya səfər edərkən saxlanılıb.
Bundan əvvəl ABŞ Qrinerin dərhal azadlığa buraxılmasını tələb edib. Amerika mətbuatının yazdığına görə, prezident Co Bayden ABŞ-da həbsdə olan rusiyalı Viktor Butun Qrinerlə, eləcə də əvvəllər casusluqda təqsirli bilinən amerikalı Pol Uilanla dəyişdirilməsi ideyasını bəyənib. Rusiya hakimiyyəti belə mübadilə ilə bağlı razılaşmanın olmadığını bildirib.
Akif İsmayılov
