Latviya polisi Rusiya Federasiyasının Dauqavpils və Liepajadakı baş konsulluqlarının təhlükəsizliyini qorumayacaq.
Modern.az xəbər verir ki, bu barədə yerli LSM portalı məlumat yayıb.
Buna səbəb kimi konsulluqların diplomatik işçilərinin Latviyada arzuolunmaz şəxs elan edilməsi göstərilib.
Aprel ayında baş konsulluqların işinə razılığın geri götürülməsi, bununla da Rusiya Federasiyasının konsulluqlarının bağlanması qərara alınıb. Qara siyahıya salınan diplomatlar aprelin 30-dək ölkəni tərk etməli idilər.
