İyirmi illik fasilədən sonra Kişinyov-Kiyev marşrutu üzrə sərnişin qatarlarının hərəkətinə start veriləcək.
Modern.az xəbər verir ki, bu barədə Moldovanın baş nazirinin müavini, infrastruktur və regional inkişaf naziri Andrey Spinu bildirib.
“2022-ci il noyabrın 6-dan Kişinyov-Kiyev dəmir yolu marşrutu fəaliyyətini bərpa edəcək. Qatarlar həftədə üç dəfə Ukraynaya yola düşəcək”, - Spinu qeyd edib.
Qatar hər biri Ukraynanın regionlarından birini təmsil edən yeddi vaqondan ibarət olacaq. Marşruta “Moldova Dəmir Yolu” və “Ukrayna Dəmir Yolları” xidmət göstərəcək.
Akif İsmayılov
