PKK terror təşkilatı Suriyanın şimalında terror aktı törədib.
Modern.az “Anadolu” agentliyinə istinadən xəbər verir ki, hadisə “Barış Pınarı” əməliyyatının keçirildiyi ərazilərdə - Tel-Abyad rayonunda baş verib.
Məlumata görə, PKK yaşayış evlərindən birinə raket atıb. Nəticədə 2 dinc sakin həyatını itirib, daha 2 nəfər isə xəsarət alıb.
Yaralıların xəstəxanaya yerləşdirildiyi bildirilib.
Qeyd edək ki, Tel-Abyad bölgəsi 2019-cu ilin oktyabrında Türkiyə ordusu tərəfindən keçirilən əməliyyatla PKK terrorçularından təmizlənib. Bununla belə, terrorçular vaxtaşırı olaraq ərazidə təxribatlar törətməyə cəhd edirlər.
