Türkiyədən qanunsuz yollarla Yunanıstana keçməyə cəhd göstərən 5 nəfər saxlanılıb.
Modern.az xəbər verir ki, bu barədə Türkiyə Milli Müdafiə Nazirliyinin rəsmi tviter səhifəsində məlumat paylaşılıb.
Məlumata görə, araşdırmalar nəticəsində saxlanılanlardan 2 nəfərin terrorçu olduğu üzə çıxıb.
"Hüdud qartallarımız ölkəmizdən Yunanıstana qanunsuz şəkildə keçməyə çalışan 5 şəxsi yaxalayıb. Onlardan 1 nəfərin FETO, 1 nəfərin isə PKK/KCK terror təşkilatının üzvü olduğu müəyyən edilib", - deyə məlumatda qeyd olunub.
Hazırda digər saxlanılanlarla bağlı araşdırmalar davam etdirilir.