Almaniyanın Ukraynaya “Leopard 2” tanklarını verməsi münaqişəni yeni qarşıdurma səviyyəsinə çıxarır.
Modern.az xəbər verir ki, bunu Rusiyanın Berlindəki səfiri Serey Neçayev deyib.
Onun sözlərinə görə, bu addım həm də gələcəkdə Moskva ilə Berlin arasında münasibətlərin normallaşmasını şübhə altına alır, “qarşılıqlı inamın qalıqlarını” məhv edir.
Bundan əlavə, Neçayev Almaniyanın qərarında “Böyük Vətən Müharibəsi illərində nasizm cinayətlərinə görə rus xalqı qarşısında tarixi məsuliyyəti tanımaqdan” imtina etdiyini görür.
Bundan əvvəl Almaniya hökumətinin sözçüsü Şteffen Hebestreit Berlinin Ukraynaya “Leopard 2” tanklarının göndərilməsinə razılıq verdiyini, həmçinin onların NATO tərəfdaşı olan ölkələrdən reeksportuna razılıq verəcəyini bildirmişdi. İlk mərhələdə Almaniya Ukraynaya 14 tank verəcək.
