ABŞ-ın Rusiyaya təyin edilmiş yeni səfiri Lin Treysi Moskvaya gəlib.
Modern.az xəbər verir ki, məlumatı ABŞ səfirliyi yayıb.
O, ölkəsinin tarixində bu vəzifəni tutan ilk qadındır.
"Rusiyaya xoş gəlmisiniz, səfir Treysi!" – Amerika diplomatik missiyası Telegram kanalında yazıb.
Məlumata Moskva hava limanından çəkilmiş fotoşəkil də əlavə olunub.
Linn Treysi yanvarın 9-da ABŞ-ın Rusiya Federasiyasındakı səfiri kimi and içib. O, əvvəllər Ermənistanda səfir vəzifəsində çalışıb. Bundan əvvəl xanım Treysi ABŞ Dövlət Departamentində Avropa və Avrasiya Məsələləri Bürosunda Rusiya üzrə baş məsləhətçi (2017-2018) və ABŞ-ın Moskvadakı səfirliyində missiya rəhbərinin müavini (2014-2017) olub.