Fransa prezidenti Emmanuel Makron ukraynalı həmkarı Volodimir Zelenski ilə görüşündən danışıb.
Modern.az Ukrayna mətbuatına istinadən xəbər verir ki, o, Zelenski ilə qırıcılar mövzusunu müzakirə etmədiyini bildirib.
"Qarşıdakı həftələr çox mühüm əhəmiyyət kəsb edir, ona görə də biz qısamüddətli perspektivdə mümkün olan tədarük məsələlərini müzakirə etdik", - deyə Makron izah etməyə çalışıb.
Qeyd edək ki, Britaniya rəsmiləri tərəfindən də yaxın müddətdə Ukraynaya qırıcı təyyarələrin tədarük edilməsinin mümkünsüzlüyü barədə açıqlama verilmişdi.
