43 ölkədə bir milyarddan çox insan vəbaya yoluxma riski altındadır.
Modern.az xəbər verir ki, bu barədə Ümumdünya Səhiyyə Təşkilatının (ÜST) Xolera və Epidemik Diareya Xəstəlikləri Qrupunun rəhbəri Filip Barbosa bildirib.
O qeyd edib ki, bu həftə üç ölkədə yeni vəbaya yoluxma halları qeydə alınıb.
“Hazırda ÜST-nin beş regionunda yerləşən 22 dövlət vəba epidemiyası ilə mübarizə aparır”, - deyə Filipp Barbosa bildirib.
O xatırladıb ki, ölüm göstəriciləri son 10 ildə ən yüksək olub və vəba epidemiyalarının sayında artım tendensiyası davam edir.
Akif İsmayılov
