Türkiyədə 14 mayda keçiriləcək seçkilərin təqvim üzrə qrafiki açıqlanıb.
Modern.az xəbər verir ki, bu barədə Ali Seçki Komissiyasının qərarı "Resmi Gazete"də dərc olunub.
Bildirilib ki, 18 martdan başlayan seçki prosesində 19 martdan prezidentliyə namizədlərin qeydə alınması üçün müraciətlər mümkün olacaq. Siyasi partiyalar isə deputatlığa namizədlərinin proporsional siyahısını 9 aprelə qədər təqdim etməlidirlər.
Prezidentliyə namizədlərin dəqiq və yekun rəsmi siyahısı 31 martda, deputatlığa namizədlərin müvafiq siyahısı isə 19 apreldə elan olunacaq. Xarici ölkələrdə və sərhəd məntəqələrində səsvermə prosesinə 27 apreldə start veriləcək.
***
13.03.2023 / 12:53
Türkiyədə seçki prosesinin başlanacağı tarix məlum olub.
Modern.az "Anadolu" agentliyinə istinadən xəbər verir ki, bu barədə ölkənin Ali Seçki Komissiyasının sədri Ahmet Yener açıqlama verib.
Onun sözlərinə görə, prosesə 18 martdan start veriləcək: "Seçki təqviminin başlanğıc tarixi 18 mart 2023-cü il tarixidir".
Qeyd edək ki, seçki 14 mayda keçiriləcək.
