Rusiyada casusluq işi üzrə həbs edilən jurnalist, "The Wall Street Journal" nəşrinin əməkdaşı Evan Qerşkoviç Lefortovo istintaq təcridxanasında saxlanılacaq.
Modern.az TASS-a istinadən xəbər verir ki, bu barədə hüquq-mühafizə orqanlarından məlumat verilib.
Qeyd edək ki, 1990-cı ilin yanvarında həbs olunduqdan sonra azərbaycanlı şair Xəlil Rza Ulutürk də həmin təcridxanada saxlanılıb.
***
13:57
Rusiya XİN "The Wall Street Journal" nəşrinin əməkdaşı Evan Qerşkoviçin həbsini şərh edib.
Modern.az TASS-a istinadən xəbər verir ki, bu barədə Rusiya Xarici İşlər Nazirliyinin sözçüsü Mariya Zaxarova danışıb.
"Saxlanılan "The Wall Street Journal"ın müxbiri jurnalist vizası və akkreditasiyasından jurnalistikaya aid olmayan fəaliyyətini ört-basdır etmək üçün istifadə edib", - o bildirib.
***
11:38
Rusiyada "The Wall Street Journal" nəşrinin əməkdaşı Evan Qerşkoviç həbs olunub.
Modern.az TASS-a istinadən xəbər verir ki, bu barədə Rusiya Federal Təhlükəsizlik Xidməti məlumat yayıb.
Bildirilib ki, jurnalist casusluqda ittiham olunur. Hazırda araşdırmalar aparılır.
Hələlik nəşrdən mövzu ilə bağlı reaksiya verilməyib.