NATO-nun baş katibi Yens Stoltenberq Finlandiyanın alyansa daxil olmaq ərizəsini təsdiqləyən Türkiyə parlamentinin qərarını alqışladığını bildirib.
Modern.az xəbər verir ki, bu barədə o tviter hesabında yazıb.
“Mən Finlandiyanın üzvlük sazişini ratifikasiya etdiyi üçün Türkiyə parlamentini alqışlayıram. Bu, bütün NATO ailəsini daha güclü və təhlükəsiz edəcək”, - deyə Baş katib bildirib.
Qeyd edək ki, ötən gün Türkiyə parlamenti Finlandiyanın NATO-ya daxil olması ilə bağlı protokolun ratifikasiyası haqqında qanun layihəsini təsdiqləyib. Bununla da Şimali Atlantika Alyansının bütün dövlətləri Helsinkinin ərizəsini ratifikasiya ediblər.
