"Rusiya Federasiyasının yenilənmiş Xarici Siyasət Konsepsiyasının məntiqi hərbi əməliyyatın başlanmasından sonra xarici siyasət konturunda dəyişiklikləri əks etdirir".
Modern.az TASS-a istinadən xəbər verir ki, bunu Rusiya XİN başçısı Sergey Lavrov Təhlükəsizlik Şurasının iclasında çıxışı zamanı deyib.
"Rusiyanın yenilənmiş Xarici Siyasət Konsepsiyasında ABŞ bilavasitə anti-Rusiya xəttinin əsas dirijoru adlandırılır. Yenilənmiş konsepsiyada Rusiya Federasiyasının təhlükəsizliyin bölünməzliyi prinsipinə əməl etməyə hazır olması yalnız qarşılıqlı əsasda bəyan edilir. Yeni Xarici Siyasət Konsepsiyası dövlətlərin çoxmərkəzliliyinə və suveren bərabərliyinə diqqət yetirir. Rusiya Federasiyasına və ya onun müttəfiqlərinə hücumu dəf etmək və ya qarşısını almaq üçün Silahlı Qüvvələrdən istifadə tezisini təqdim edir. Rusiya Federasiyasının yeni Xarici Siyasət Konsepsiyası ölkəyə qarşı təhdidlərə simmetrik və asimmetrik reaksiyaları ehtiva edir. Yeni Xarici Siyasət Konsepsiyasında əks olunub ki, lazım gələrsə, dost olmayan dövlətlərin anti-Rusiya addımları ciddi şəkildə yatırılacaq", - deyə Lavrov söyləyib.
"Rusiya Federasiyasının yeni Xarici Siyasət Konsepsiyası Çin və Hindistanla strateji tərəfdaşlıq elan edir. Xarici Siyasət Konsepsiyasında anqlo-sakson ölkələri və Avropaya qarşı ilkin olaraq düşmənçilik niyyətinin olmadığı fikri açıq şəkildə ifadə olunub", - nazir bəyan edib.
Rusiya prezidenti Vladimir Putin konsepsiyanı təsdiq edib.
