Çin Rusiyanın Ukraynadakı məğlubiyyətlərindən və taktiki uğurlarından dərs alır.

 

Modern.az xəbər verir ki, bu barədə “New York Times” nəşri yazıb.

 

Qəzet Ukraynadakı müharibəni qiymətləndirən 100-ə yaxın çinli müəllifin məqalələrini araşdırıb. Çinli hərbi analitiklərin əsas qənaətləri təsvir olunub.

 

Belə ki, Rusiya sursat bunkerini, yanacaq anbarını və digər hədəfləri məhv etmək üçün hipersəs silahlarından uğurla istifadə edib. "Starlink" Ukraynanı rabitə ilə yaxşı təmin edib, buna görə də Çin tez bir zamanda oxşar aşağı orbitli peyk sistemini inkişaf etdirməlidir.

 

Çin Rusiya Federasiyasının hərbi logistikasının çatışmazlıqlarına diqqət yetirməli və oxşar çağırışlara hazırlaşmalıdır, lakin ada əməliyyatlarına uyğunlaşdırılmalıdır (burada Tayvan üzərində mümkün müharibəyə istinad edilir). Rusiyanın kifayət qədər piyada qoşunlarını səfərbər etməkdə çətinlik çəkməsi göstərir ki, Çin quru qoşunlarını güclü və çoxsaylı saxlamalıdır. Rusiyanın təcrübəsi göstərdi ki, “böyük dövlət ağlabatan quru qoşunlarını saxlamalıdır, əks halda o, döyüş meydanında öz üstünlüyünü itirəcək”.

 

Rusiyanın təcrübəsindən öyrənmək Çinin mümkün münaqişədə qalib gələ biləcəyinə inamını gücləndirə bilər. Çinin 225 milyard dollarlıq hərbi büdcəsi Rusiyanınkından təxminən 3 dəfə çoxdur və Pekin geniş istehsal və texnoloji imkanları ilə bir sıra qabaqcıl PUA-lar və Rusiya qüvvələrində çatışmayan digər silahları istehsal edə bilər.

 

Həmçinin nüvə silahı ilə bağlı da araşdırmalar aparılıb.