Meksika körfəzində "Piper PA-32" tipli təkmühərrikli təyyarə qəzaya uğrayıb.
Modern.az xəbər verir ki, bu barədə "Daily Mail" nəşri məlumat yayıb.
Hadisə nəticəsində dörd nəfər - iki kişi və iki qadın həlak olub. Nəşrin məlumatına görə, ölənlər arasında Amerikanın "Raytheon" silah şirkətinin direktor müavini Ceff Lumpkin və onun həyat yoldaşı da var.
Qəza aprelin 5-i axşam saatlarında baş verib. Qəzanın səbəbini müəyyən etmək üçün araşdırma aparılır.
