Çində H3N8 quş qripi virusundan ilk ölüm halı qeydə alınıb.
Modern.az xəbər verir ki, bu barədə "Reuters" agentliyi Ümumdünya Səhiyyə Təşkilatına (ÜST) istinadən məlumat yayıb.
Məlumata görə, 56 yaşlı qadın fevralın 22-də virusa yoluxub, martın 3-də ağır pnevmoniya diaqnozu ilə xəstəxanaya aparılıb və martın 16-da dünyasını dəyişib.
“Xəstənin bir neçə yanaşı xəstəlikləri var idi. Xəstənin yaxınlarının heç birində infeksiya və ya xəstəlik əlamətləri olmayıb", - təşkilat bildirib.
