Cənubi Koreya tərəfindən faktiki ərazi suları sərhədi kimi qəbul edilmiş şimal xəttini pozan Şimali Koreyaya məxsus patrul gəmisinə xəbərdarlıq atəşi açılıb.
Modern.az xəbər verir ki, bu barədə ölkənin Baş Qərargahı məlumat yayıb.
Şimali Koreyanın patrul gəmisi xəbərdarlıq atəşindən sonra geri çəkilib. Açıqlamada Cənubi Koreyanın Şimali Koreyanın təxribat ehtimalına hazır olduğu və hərbi hərəkətlərin yaxından izləndiyi vurğulanıb.
Qeyd edək ki, bu ərazilərdə vaxtaşırı iki ölkə arasında gərginlik yaşanır.
