Bolqarıstan hakimiyyəti Macarıstan və Polşadan nümunə götürərək, Ukraynadan taxıl idxalına qadağa qoyulması ideyasını nəzərdən keçirir.
Modern.az "Strana" nəşrinə istinadən xəbər verir ki, bunu ölkənin kənd təsərrüfatı naziri Yavor Qeçev deyib.
"Bizə öz maraqlarımızı qorumaq lazımdır. Üstəlik, iki dövlət belə reaksiya verdikdə biz eynisini etməsək, ərazimizdə Ukrayna taxılının miqdarı artacaq", - nazir əlavə edib.
O qeyd edib ki, Macarıstan və Polşanın tətbiq etdiyi qadağaların hüquqi komponenti ilə bağlı hesabatlar gözləyir. Sonra İqtisadiyyat Nazirliyi ilə məsləhətləşmələr olacaq və yalnız bundan sonra qərar veriləcək.
