NATO ölkələri Ukrayna üçün təhlükəsizlik təminatlarını nəzərdən keçirəcək.
Modern.az Ukrayna mətbuatına istinadən xəbər verir ki, bunu elan olunmamış səfərlə Kiyevə gələn NATO-nun baş katibi Yens Stoltenberq Ukrayna prezidenti Volodimir Zelenski ilə birgə mətbuat konfransında deyib.
Alyans rəhbəri iyulda keçiriləcək sammitdə təhlükəsizlik təminatlarının, aprelin 21-də Ramşteyn formatında keçiriləcək görüşdə isə yeni silah təchizatının müzakirə olunacağını bildirib.
Ukraynanın NATO-ya üzvlüyünə gəlincə, Stoltenberqin sözlərinə görə, zamanla bu məqsədə nail olunacaq.
