Ukraynada müharibə dövründə həyatını itirən uşaqların sayı məlum olub.
Modern.az "Ukrinform"a istinadən xəbər verir ki, bu barədə ölkənin Baş Prokurorluğu məlumat yayıb.
"Rusiya Federasiyasının ordusu Ukraynada 477 uşağı öldürüb, daha 955 uşağı yaralayıb", - deyə məlumatda qeyd olunub.
Xatırladaq ki, ötən ilin 24 fevralında Rusiyanın Ukraynaya hücumu nəticəsində başlayan müharibə davam edir. Rusiya Ukraynanın Xerson və Zaporojye vilayətlərini, habelə qondarma "Donetsk XR" və "Luqansk XR" separatçı qurumlarını birtərəfli qaydada ilhaq etdiyini açıqlayıb.
