Türkiyənin milli müdafiə naziri Hulusi Akar Türkiyə Hərbi Hava Qüvvələrinə təyyarə təhvil verilməsi mərasiminə qatılıb.
Modern.az xəbər verir ki, bu barədə "Anadolu" agentliyi məlumat yayıb.
“Cümhuriyyət tarixinin ən gərgin və ən təsirli fəaliyyətini həyata keçirdiyimiz bu dövrdə Silahlı Qüvvələr dövlətimizin bütün qurumları ilə çiyin-çiyinə çalışır. Təhlükəsizliyi təmin edir, başda PKK/PYD olmaqla bütün terror təşkilatlarına qarşı mübarizə aparır. Terroru mənbəyində məhv etmək strategiyası ilə ölkə daxilində və onun hüdudlarından kənarda, dənizlərimizdə və səmamızda hüquq və mənafelərimizi qoruyur, bunlara əlavə olaraq Şimali Kipr, Azərbaycan və Liviyada da dəstəyimiz davam edir. Sülh, əmin-amanlıq və ədalət gətirən əcdadlarımızdan aldığı ilhamla başda taxıl sazişi olmaqla bənzər təşəbbüslərlə regionun və dünyanın sülhünə töhfə vermək işinə davam edir. Davamlı rifah artımını təmin etmək üçün müdafiə sənayesi inkişaf etməyə davam edəcək”, - deyə o bildirib.
