Özbəkistan və Türkiyə prezidentləri Şavkat Mirziyoyev və Rəcəb Tayyib Ərdoğan arasında telefon danışığı olub.
Modern.az xəbər verir ki, bu barədə Özbəkistan PA mətbuat xidməti məlumat yayıb.
Bildirilib ki, telefon danışığı zamanı strateji tərəfdaşlıq münasibətlərinin hərtərəfli dərinləşdirilməsi və praktiki əməkdaşlığın prioritet layihələrinin təşviqi məsələləri nəzərdən keçirilib.
Ərdoğan konstitusiya dəyişiklikləri ilə bağlı ümumxalq referendumunun keçirilməsi münasibətilə Mirziyoyevi təbrik edib, Özbəkistan xalqına tərəqqi və firavanlıq arzulayıb.
Həmçinin Strateji Əməkdaşlıq Şurasının növbəti iclasına hazırlıq məsələləri müzakirə edilib. Mirziyoyev Ərdoğana qarşıdakı prezident seçkilərində uğurlar arzulayıb.
