Türkiyənin "Otokar" şirkəti tərəfindən istehsal edilən "Kobra II" adlı zirehli texnikalar Ukraynada görünüb.
Modern.az Türkiyə KİV-ə istinadən xəbər verir ki, Ukrayna ordusunun artıq zirehli maşınlardan istifadə etdiyi bildirilir.
Taktiki zirehli texnikaların tezliklə döyüş bölgələrində istifadə ediləcəyi qeyd olunur.
Xatırladaq ki, bundan əvvəl "Kobra II" zirehli texnikalarının Ukraynaya göndərildiyi barədə məlumat yayılmışdı. Bundan başqa, Türkiyə Ukraynaya "Kirpi" zirehli maşınları və "Bayraktar TB2" PUA-ları tədarük edib.
