Ukrayna Prezidenti Volodimir Zelenski Yaponiyanın Hirosima şəhərində “Böyük yeddilik” (“G7”) ölkələrinin sammiti çərçivəsində Britaniyanın Baş naziri Rişi Sunakla görüşüb.
Modern.az-ın xəbərinə görə, bu barədə Zelenskinin mətbuat xidmətindən bildirilib.
O, Rusiya ilə müharibədə Kiyevə verdiyi dəstəyə görə Sunaka təşəkkürlərini çatdırıb. Tərəflər Ukrayna prezidentinin mayın 14-də Britaniyaya səfəri zamanı əldə olunan razılaşmaların icrası barədə fikir mübadiləsi aparıblar.
Qeyd edək ki, Zelenski “Böyük yeddilik” ölkələrinin sammitinə qatılmaq üçün Yaponiyada səfərdədir.
