Gürcüstan prezidenti Salome Zurabişvili ölkənin “Georgian Airways” aviaşirkətinin xidmətlərindən istifadə etməyəcək.
Modern.az xəbər verir ki, bu barədə o, jurnalistlərə açıqlamasında bildirib.
Prezident Rusiyaya uçuşlara başladığı üçün şirkəti boykot edib: “Mənə gəlincə, bu dövlətdən (Rusiya) zənginləşmə üçün istifadə edən "Georgian Airways" şirkətini boykot edirəm".
Mayın 10-da Rusiya Prezidenti Vladimir Putin Gürcüstana uçuşlara qoyulan qadağanı ləğv edib. O, mayın 15-dən Gürcüstan vətəndaşları üçün viza rejimini aradan qaldırıb.
Qeyd edək ki, Gürcüstana və əks-tərəfə uçuşlar "Azimut", "Georgian Airways", "Red Wings" şirkətləri tərəfindən həyata keçirilir.
