NATO baş katibi Yens Stoltenberqin Cənubi Qafqaz üzrə xüsusi nümayəndəsi Xavier Kolomina Gürcüstanda bir sıra görüşlər keçirib.
Modern.az xəbər verir ki, Kolomina tviter səhifəsində bu barədə yazıb.
"Gürcüstanda prezident Salome Zurabişvili, parlament sədri Şalva Papuaşvili, XİN başçısı İlia Darçiaşvili, müdafiə naziri Cuanşir Burçuladze və müxalifətlə yaxşı müzakirələr apardım. Müzakirə mövzuları NATO-Gürcüstan əməkdaşlığı, Vilnüs sammiti, islahatlar, demokratik standartlar, Ukraynaya davam edən dəstəyin artırılması idi. NATO Gürcüstana və onun Avro-Atlantik hədəflərinə sadiqdir", - o qeyd edib.
Xatırladaq ki, Kolomina bundan əvvəl Ermənistanda səfərdə idi. Onun bu gün Azərbaycana gəlməsi gözlənilir.
Good talks in??with @Zourabichvili_S, @shpapuashvili, @iliadarch, @ModGovGe & opposition. Discussed #NATO-?? cooperation, Vilnius Summit, need to redouble efforts on reforms, democratic standards & continued support to ??. #NATO is committed to ?? and its euroatlantic aspirations pic.twitter.com/uTy3GWwqXD
— Javier Colomina (@JavierColominaP) May 25, 2023
