Türkiyə Prezidenti Rəcəb Tayyib Ərdoğan İstanbuldan Ankaraya gəlib.
Modern.az xəbər verir ki, o, Prezident sarayında tərəfdarları qarşısında çıxış edib.
“Qalib yalnız biz deyilik. Qazanan Türkiyə, qazanan bizim demokratiyadır. Bu gün heç kim itirmədi, 85 milyonun hamısı qazandı. İndi milli məqsədlərimiz və milli arzularımız ətrafında birləşmək və inteqrasiya etmək vaxtıdır”,-deyə Ərdoğan bildirib.
Xatırladaq ki, mayın 28-də Türkiyədə prezident seçkilərinin ikinci turu keçirilib. AKP-nin namizədi Rəcəb Tayyib Ərdoğan seçicilərin 52%-nin dəstəyini qazanaraq növbəti dəfə prezident seçilib.
