Gürcüstanın baş naziri İrakli Qaribaşvili Almaniyaya səfər edəcək.
Modern.az Gürcüstan mətbuatına istinadən xəbər verir ki, bu barədə Almaniya hökumətinin mətbuat xidməti məlumat yayıb.
Bildirilib ki, iyunun 9-da baş tutacaq səfər çərçivəsində Qaribaşvili Berlində Almaniya kansleri Olaf Şoltsla görüşəcək.
Məlumata görə, tərəflər xarici siyasət və təhlükəsizlik məsələləri, Avropa siyasəti məsələləri, həmçinin iqtisadi əməkdaşlığı müzakirə edəcəklər.