Türkiyənin Moskvadakı səfiri Mehmet Samsar Rusiya Federasiyası Müsəlmanlarının Ruhani İdarəsində olub.

 

Modern.az xəbər verir ki, diplomat Rusiya Müsəlmanlarının Ruhani İdarəsinin və Rusiya Müftilər Şurasının sədri Ravil Qaynutdinlə görüşüb.

 

M.Samsar Türkiyə Prezidenti Rəcəb Tayyib Ərdoğanın rus dilində nəşr olunan “Daha ədalətli bir dünya mümkündür” kitabını Qaynutdinə hədiyyə edib.

 

Qaynutdin Rusiya müsəlmanlarının Ərdoğanın seçkilərdə qalib gəlməsi üçün dua etdiklərini bildirib.

 

“Rusiyadadakı bütün müsəlmanlar yox, Rusiyada yaşayan hər kəs onun ardınca getdi. Türkiyədəki seçkiləri çox yaxından izləyirdik. Dualarımızda dostumuz, rus müsəlmanlarının dostu, Rusiyanın dostu və Rusiya Prezidenti Vladimir Putinin dostu Rəcəb Tayyib Ərdoğanın prezident olmasını istəyirdik. Allaha şükür Rəbbimiz dualarımızı eşitdi və qəbul etdi”,- o, deyib

 

Qaynutdin Ərdoğan və Putinin 2015-ci ildə Moskva Mərkəzi Məscidinin açılışını etdiklərini xatırladıb:

 

"Artıq 8 ildir. Cənab Ərdoğan Rusiyaya tez-tez gəlir. Onun gəlməsini və Rusiya müsəlmanları ilə namaz qılmasını istəyirik. Əgər gəlsə, biz Rusiya müsəlmanları çox məmnun olarıq və buna görə minnətdar olarıq. Onu Rusiyadakı 25 milyon müsəlman adından dəvət edirik və görmək istəyirik".