ABŞ Prezidenti Co Bayden Böyük Britaniyanın Baş naziri Rişi Sunakla keçirdiyi birgə mətbuat konfransında NATO-nun yeni Baş katibinin kim olmasından danışıb.
Modern.az xəbər verir ki, o, təşkilatın növbəti Baş katibinin namizədliyi ilə bağlı razılaşmanın tamamlanmadığını bildirib.
Bayden NATO-nun yeni rəhbərinin Britaniyanın müdafiə naziri Ben Uollesin olacağını istisna etməyib.
Qeyd edək ki, Rişi Sunak Uollesin Baş katib olmasını dəstəkləyir. Onun ABŞ-a səfərindən əvvəl mətbuat yazırdı ki, Sunak Baydenlə görüşdə Uollesin Baş katib təyin edilməsi üçün dəstək istəyəcək.