Qazaxıstanın Abay vilayətində güclü meşə yanğınları başlayıb.
Modern.az xəbər verir ki, bu barədə "KazTag" agentliyi məlumat yayıb.
Fövqəladə Hallar Nazirliyinin məlumatına görə, yanğınlarda meşə təsərrüfatının 3 işçisi ölüb, daha 11 nəfərin axtarışları davam etdirilir.
Yanğın sahəsinin 30 min hektara yaxın olduğu bildirilir. Qazaxıstan Prezidenti Kasım-Jomart Tokayev fövqəladə hallar naziri Yuri İlinə yanğın bölgəsinə getməyi tapşırıb.