Gürcüstanın Baş naziri İrakli Qaribaşvili Berlində Almaniya Kansleri Olaf Şolts ilə görüşüb.
Modern.az xəbər verir ki, bu barədə Gürcüstan hökuməti məlumat yayıb.
Liderlər dünyada gedən prosesləri, yeni çağırışları, o cümlədən Cənubi Qafqazda cərəyan edən hadisələri, sülh danışıqlarını müzakirə edib.
Qaribaşvili Gürcüstanın Avropaya inteqrasiya yolunda atdığı addımlar, həyata keçirilən islahatlar və Avropa Komissiyasının tövsiyələrinin həyata keçirilməsində əldə olunan mühüm irəliləyişlər barədə Şoltsa ətraflı məlumat verib.
