Türkiyənin nəqliyyat və infrastruktur naziri Abdulkadir Uraloğlu ölkəsinin Türk dünyası dövlətləri ilə kibertəhlükəsizlik sahəsində birgə təlimlər keçirilməsini planlaşdırdığını elan edib.
Modern.az Türkiyə mətbuatına istinadən xəbər verir ki, nazir milli kibertəhlükəsizlik təşkilatçılığından da danışıb.
O qeyd edib ki, kibertəhlükəsizlik, e-dövlət, peyk kommunikasiyası və fiberoptik infrastrukturla bağlı inkişaf məlumatları da təqdim edilib.
"Türk dünyasının bu sahədə birgə təlimləri hazırlıq səviyyəsinin artırılmasına töhfə verəcək", - Uraloğlu vurğulayıb.
