"Rusiya elan edilənlərdən başqa heç bir vəzifə qoymur".
Modern.az TASS-a istinadən xəbər verir ki, bunu Rusiya XİN başçısının müavini Sergey Ryabkov deyib.
"Ukraynada ukraynalı pilotlar üçün təlim proqramları Qərbin istədiyi nəticəni verməyəcək. Qərb Ukraynanın əli ilə Rusiya Federasiyası ilə total hibrid müharibə aparmaq xəttini davam etdirir, nəticə əldə edilməyəcək. Qərbin “təyyarə koalisiyası” Rusiya Federasiyasına və onun qüvvələrinə maksimum ziyan vurmaq yollarını axtarmağa davam edir. Moskva Kiyevi potensial ciddi insidentlərə qarşı xəbərdar edir. ABŞ Hindistanı öz geosiyasi konstruksiyalarına cəlb etmək üçün getdikcə daha çox cəhdlər edir. Moskva əmindir ki, Yeni Dehli ABŞ-ın Hindistanda hərbi gəmi və təyyarələrinə texniki qulluq və təmir üçün mərkəz yaratmaq ideyalarının risklərindən tam xəbərdardır. Rusiya ABŞ-ın bütün intriqalarına baxmayaraq, Hindistanla, o cümlədən hərbi-texniki sahədə tərəfdaşlığını dərinləşdirməyə davam edəcək", - o qeyd edib.
