Rusiyanın Bryansk və Sverdlovsk vilayətlərində yüksək döyüş hazırlığı vəziyyəti elan edilib.
Modern.az Rusiya mətbuatına istinadən xəbər verir ki, bu barədə hər iki vilayətin rəhbərliyi məlumat yayıb.
Bryanskın qubernatoru, həmçinin Ukrayna ilə dövlət sərhədində "vəziyyətin nəzarət altında olduğunu" açıqlayıb.
Qeyd edək ki, "Vaqner" muzdluları Rusiyada hərbi qiyam qaldırıb. Prezident Vladimir Putin xalqa müraciəti zamanı "Vaqner" rəhbərinin hərəkətlərini xəyanət adlandırıb. O, qiyamın yatırılması üçün müvafiq tapşırıqların verildiyini bildirib.
