Niderland Kralı Villem-Aleksandr ölkənin keçmişdə köləlik və qul ticarətində rolu olduğuna görə rəsmi üzr istəyib.
Modern.az xəbər verir ki, bu barədə Niderland Yayım Korporasiyası məlumat yayıb.
"Bu gün sizin kralınız və hökumətin üzvü kimi şəxsən üzr istəyirəm ki, kral sarayı bunun qarşısını almaq üçün heç bir iş görmədilər", - o deyib
Onun fikrincə, köləlik və qul alveri “insanlığa qarşı cinayətdir. Kral vurğulayıb ki, “insanları heyvana çevirən qanunların arxasında gizlənmək yolverilməzdir”.
2022-ci ilin dekabrında ölkənin hazırkı baş naziri Mark Rutte də Niderlandın köləlikdəki roluna görə üzrə istəyib.
Qeyd edək ki, Niderland koloniyalarında quldarlıq və qul ticarəti 1 iyul 1863-cü ildə ləğv edilib.
