ABŞ-nin Çikaqo şəhərində baş verən atışmada 1 nəfər ölüb, 3 nəfər yaralanıb.
Modern.az xarici mediaya istinadən xəbər verir ki, avtomobildəki şəxslər yolun kənarında dayanan dörd nəfərə atəş açıblar.
Polisin məlumatına görə, güllə yarası alan 23 yaşlı gənc ağır vəziyyətdə Çikaqo Universitetinin Tibb Mərkəzinə aparılıb.
Həkimlərin müdaxiləsinə baxmayaraq, gənc xəstəxanada keçinib. Digər üç nəfərin vəziyyəti yaxşıdır.
Qeyd edək ki, polis faktla bağlı araşdırma aparır.
