ABŞ dövlət katibi Antoni Blinken Belarus xalqına müraciət edib.
Modern.az xəbər verir ki, bu barədə NEXTA məlumat yayıb.
“Belarusun rəsmi Müstəqillik Günü münasibətilə Amerika Birləşmiş Ştatları xalqı Belarus xalqına ən xoş arzularını çatdırır. Belarusun demokratik, suveren və sabit gələcəyi naminə Sizin cəsarətiniz, möhkəmliyiniz və əzmkarlığınız dünyanı ruhlandırdı. Siz həbsxana divarlarının arxasında, sürgündə olduğunuz şəhərlərdə və Belarusdakı evlərinizdə ölkənizin həqiqətən müstəqil və demokratik gələcəyini, repressiyasız yaşaya biləcəyiniz və hansı kursu təyin edə biləcəyinizi müdafiə etməyə davam edirsiniz. Birləşmiş Ştatlar Belarusun unikal dilini, mədəniyyətini və kimliyini qorumaq üçün yorulmaz səylərinizi yüksək qiymətləndirir və dəstəkləyir. İnsan hüquqlarının və əsas azadlıqların qorunmasında əzmkarlığınıza heyranıq. Biz 1500 belarus siyasi məhbusun qeyd-şərtsiz azad edilməsinə və Belarusda davam edən repressiyalara son qoymağa çağırırıq. Birləşmiş Ştatlar 30 ildən çoxdur ki, demokratik, müstəqil və suveren Belarusun tərəfdarıdır. Bu öhdəlik sarsılmaz olaraq qalır”, - bəyanatda deyilir.
