Ermənistanın baş naziri Nikol Paşinyan ABŞ prezidenti Co Baydeni Müstəqillik Günü münasibətilə təbrik edib.
Modern.az Ermənistan mətbuatına istinadən xəbər verir ki, o, "ərazi bütövlüyü və suverenliyi" dəstəklədiyinə görə ABŞ-a təşəkkürünü bildirib.
Ermənistanın baş naziri, həmçinin Vaşinqtonun Cənubi Qafqazda sülhün bərqərar olması, Ermənistan-Azərbaycan münasibətlərinin normallaşdırılması, Qarabağ məsələsi istiqamətində səylərini yüksək qiymətləndirib.
"İrəvan regionda uzunmüddətli sülh yolu ilə inkişaf maraqları naminə Ermənistanın ərazi bütövlüyünün toxunulmazlığını nəzərə alaraq sülh gündəliyinə sadiq qalmaqda davam edir", - təbrikdə deyilir.
