Moldova Gürcüstanın sabiq lideri Mixail Saakaşvili ətrafında yaranmış vəziyyətdən narahatdır.
Modern.az xəbər verir ki, bunu Moldova Prezidenti Maya Sandu "Twitter" səhifəsində yazıb.
O qeyd edib ki, Saakaşvilinin həbsdə olduğu müddətdə səhhətinin ciddi şəkildə pisləşdiyini göstərən görüntülər narahatedicidir.
"Mən Gürcüstan hakimiyyətini onun sağlamlığına diqqət yetirməyə və ona təcili olaraq xaricdə tibbi müalicə imkanı təmin etməyə çağırıram", - prezident vurğulayıb.
