Rusiya Federasiyasına hərbi dəstək göstərən ölkələr İran, Belarus və Şimali Koreyadır.
Modern.az xəbər verir ki, bunu Ukrayna Silahlı Qüvvələri Baş Qərargahının Baş Əməliyyat İdarəsinin rəis müavini, briqada generalı Aleksey Qromov bildirib.
Onun sözlərinə görə, postsovet ölkələrinin bəziləri Rusiyaya yardım edir.
"İran, Belarus və Şimali Koreya kimi ölkələr Rusiya Federasiyasına yardımda lider olaraq qalırlar. Bundan əlavə, postsovet məkanının bəzi ölkələri müasir silah və hərbi texnikanın istehsalı üçün yüksək texnologiyalı komponentlərin idxalına töhfə verirlər”,- deyə general vurğulayıb.
