ABŞ bu həftə ərzində Ukraynaya mübahisəli kaset sursatlarının göndəriləcəyini elan edə bilər.
Modern.az xəbər verir ki, bu barədə "CBS News" məlumat yayıb.
Amerika rəsmiləri bidirir ki, yardım paketi rus qoşunlarına qarşı əks-hücum zamanı sursata olan tələbatı ödəyəcək.
Kaset sursatları partlama zamanı bir-birindən ayrılan onlarla kiçik bombadan ibarətdir. Onlardan istifadə rəsmən qadağandır, çünki partlamamış bombalar döyüş əməliyyatları başa çatdıqdan sonra illərlə mülki əhali üçün risk yarada bilər.
