Çinin Quandın vilayətində naməlum şəxs bıçaqla uşaq bağçasına hücum edib. Hadisə nəticəsində azı 6 nəfər ölüb, bir nəfər xəsarət alıb.
Modern.az xarici KİV-ə istinadən xəbər verir ki, insident Liencian şəhərinin Henşan qəsəbəsində baş verib.
Ölənlər arasında uşaqların olması barədə rəsmi məlumat yoxdur.
Cinayəti törətməkdə şübhəli bilinən 25 yaşlı kişi saxlanılıb. Hələlik hadisənin detalları açıqlanmayıb. Faktla bağlı araşdırma aparıldığı bildirilib.
